+20c

Осмонўпар бинолар: Хитой рекордчи, Европа эса Осиёдан анча орқада

Кўпгина шаҳарлар учун баланд ва чиройли бинолар ташриф қоғози саналади. Бунга Дубайни мисол қилиб келтириш мумкин. Осмонўпар бинолар инсоният муҳандисдик қудрати, меъморчилик чўққиси ва иқтисодий тараққиётининг муҳим рамзи ҳисобланади. XIX аср охирида пайдо бўлган бундай иншоотлар бугунги кунга келиб мегаполислар қиёфасини тубдан ўзгартириб юборди. Улар дастлаб АҚШ шаҳарларида кўплаб қад ростлаган, кейинчалик бу тенденция Осиёга кўчди. Янги асрга келиб, Хитой ва Яқин Шарқдаги бой араб давлатлари баланд бинолар барпо этишда Ғарбни ортда қолдирдилар. Ҳозирга келиб, осмонга бўйлашган иншоотларнинг кўпчилиги айнан Осиё қитъасига тўғри келади.