+20c

Dunyodagi eng xavfli havzalardan biri: Natron ko‘lining siri nimada?

Odatda suv hayot manbai, tirik jonzotlar uchun muhim omil sanaladi. Ammo dunyoda shunday suv havzalari borki, ularga yaqinlashishning o‘zi xavfli sanaladi. Afrika sharqida, Tanzaniya davlati hududida joylashgan Natron ko‘li shular jumlasidandir. Bu ko‘lning suvi o‘ta yuqori darajada ishqoriy (soda va tuz miqdori yuqori) va uning harorati 60°C gacha yetadi. Unga tushib ketgan qushlar yoki boshqa hayvonlarning tanasi chirib ketmay, minerallashib, “tosh haykal”ga aylanib qoladi.