Viloyat hokimi, jumladan Karmana tumanida yashovchi ikkinchi jahon urushi qatnashchisi, 104 yoshni qarshi olgan Pirnazar bobo Turdiev va G'ozg'on shahrida istiqomat qilib kelayotgan urush faxriysi Tursunqul bobo Ergashev xonadonida bo'ldi.

Ularga davlat rahbarining bayram munosabati bilan yo'llangan tabrigi o'qib eshittirildi.

– Prezidentimiz hamma nuroniylar – Ikkinchi jahon urushi qatnashchilarini tabriklab kelgin, salomimni yetkazgin deb, jo'natdi. Keyingi yilda ham salomat bo'lib yurishingizni tiladi, – deya Normat Tursunov davlat rahbari tabrigini yetkazdi.

O'z navbatida yaxshi tilak va tabriklar uchun minnatdor bo'lgan nuroniy otaxonlarning salomini davlat rahbariga yetkazib qo'yishga ham va'da berdi.